60 araw suspensyon kay Rep. Barzaga, ipinataw ng Kamara

Sinuspinde ng Kamara si Cavite 4th District Representative Kiko Barzaga ng 60 araw dahil sa umano'y disorderly behavior. 

‎Ito ay matapos mapatunayan ng House Committee of Ethics na lumabag si Barzaga sa RA 6713 o Code of Conduct and Ethical Standard for Public Officials and Emloyee. 

‎Inaprubahan sa plenaryo ang 60 araw na suspensiyon kung saan 249 ang bumotong pabor, lima ang tumutol, at 11 ang hindi bumoto o umiwas sa pagpapasiya.

‎Ayon sa House Committee on Ethics,  hindi makakatanggap si Barzaga ng sahod at allowances sa loob ng 60 araw na suspensiyon.

‎Dagdag pa rito, inatasan si Barzaga na tanggalin ang 24 social media posts na itinuturing na nakakasira sa dignidad ng Kamara sa loob ng 24 na oras.

‎Bagama’t tinanggap ng mambabatas ang hatol ng House Committee on Ethics, nanindigan pa rin siya sa kaniyang pananaw sa mga social media posts.

‎"I wholeheartedly accept the decision of the committee. But I maintain my stance that Pres. Marcos must be held accountable," ani Barzaga.